Задолжително превривање на водата за пиење во Тиквешијата, препорача денеска Центарот за јавно здравје откако дојде до заматување на водата за пиење поради обилните врнежи.
Дождовите се особено обилни на планината Кожуф каде се наоѓа регионалниот водовод „Лукар“ од кој со вода за пиење се снабдува населението од Тиквешијата.
– Извршено е неопхдното испитување на својствата на водата за пиење. Не е утврдено присуство на резидуален хлор и затоа на Јавното претпријатие „Комуналец“ му препорачавме да ја зголеми дозата на хлор во хлоринаторната станица. Бидејќи се очекува врнежите од дожд да продожат и во наредните денови, наложив допонително хлорирање на водата со течен хлор, информира доктор Трајче Ризов, раководител на Центарот за јавно здравје од Кавадарци.
Земавме, додаде, мостри од водата, а во среда ќе ги имаме резултатите и ќе ги соопштиме и препораките до граѓаните.