Пренџов: Власта пасивно го блокира Собранието

Од:

Во Собранието на Република Македонија, владејачкото мнозинство на СДСМ и ДУИ заедно со претседателот Талат Џафери спороведуваат пасивна блокада на работењето на законодавниот дом рече на прес конференција пратеникот на ВМРО-ДПМНЕ Колаицијата „Обнова за Македонија“ Љупчо Пренџов.

– Имено, неколку недели наназад собранискиот сајт е во хаос и не функционира. На календарот за секојдневни активности на кој што има седници за комисии и пленарни седници недостасуваат материјалите кои што треба да бидат прикачени заедно со седниците, што е крајно недозволиво. Исто така, сајтот на е-парламент преку кој пратениците и собраниската служба имаат увид до пристигнати закони во Собранието и нивната собраниска процедура е нефункционален, така што се отежнува работата на пратениците и службата вели Пренџов.

Дополнително зачестени се деновите вели Пренџов кога или Собранието нема струја или се исклучува интернет конекцијата со што се блокирани сите собраниски активности.

Вели дека поради проблемите со струјата и интерентот имале потешкотии и да ги информираат медиумите за денешната прес конференција.

– Очигледно е дека ниту се работи за некаква случајост, ниту за некакви технички проблеми.Ова е пасивна блокада на законодавниот дом од страна на владејачкото мнозинство.Во услови кога опозицијата активно ги блокира штетните закони во Собранието, а власта пасивно ги блокира сите закони ова само покажува дека предвремени парламентарни избори се единствено решение во овој момент рече Пренџов.

Би можело да ве интересира

ВМРО-ДПМНЕ: Ковачевски мора да понесе одговорност и да поднесе оставка

Ана Ололовска

(ВИДЕО) Ковачки: Ковачевски и Османи шест месеци го преговарале последниот предлог со кој се бугаризира Македонија

СДСМ: ВМРО-ДПМНЕ одработува за странски интереси кои не ѝ мислат добро на државата

(ВИДЕО) Митева: СДСМ гласаше против предлогот на ССМ за зголемување на платите на работниците

Ана Ололовска

Томовски: Предлогот од Париз владата го прифаќа, а ВМРО-ДПМНЕ не го прифаќа

Ана Ололовска

ВМРО-ДПМНЕ: Пратениците на СДСМ гласаа против зголемување на платите во јавниот сектор, а одобруваат пари за златни прибори во влада

Ана Ололовска