Претседателот на Владата на Република Македонија, Зоран Заев, денеска попладне ја започнува својата работна посета на Босна и Херцеговина.
Серијата состаноци на македонската владина делегација предводена од премиерот Заев ќе започне со работна средба со делегацијата на Советот на министри на БиХ.
Во вториот дел од денешната агенда, предвидено е учество на премиерот Заев на пленумската сесија „Кон обновата на левицата во Југоисточна Европа“, во склоп на конференцијата „Состојбата во регионот – Проценка од социјалдемократската перспектива“, во организација на Фондацијата Фридрих Еберт.