Премиерот Заев на 8. Самит на земјите од Централна и Источна Европа и Кина од Процесот 16+1

Од:

Премиерот Зоран Заев заедно со владина делегација ќе учествува на 8. Самит на шефови на влади на земјите од Централна и Источна Европа и Народна Република Кина од Процесот 16+1, кој денеска и утре ќе се одржи во Дубровник, Република Хрватска.

Во рамки на овој самит премиерот Заев ќе присуствува на отворањето на Економски и трговски форум, а ќе има свое обраќање на пленарната сесија на која ќе се обратат премиерите на сите земји учеснички на самитот.

Според агендата на Самитот, премиерот Заев и владината делегација во состав заменик претседател на Владата задолжен за економски прашања и координација со економските ресори, Кочо Анѓушев, министер за транспорт и врски, Горан Сугарески и министер за култура, Асаф Адеми, ќе оствари билатерална средба со премиерот на Кина, Ли Кечијанг и кинеска владина делегација.

Во Дубровник, претставници на владите на Република Северна Македонија и на НР Кина ќе потпишат Акциски план за соработка во земјоделството.

На маргините на Самитот на шефови на влади на земјите од Централна и Источна Европа и Народна Република Кина од Процесот 16+1 се предвидени неколку билатерални средби.

Премиерот Заев ќе оствари средба со премиерот на Чешка Андреј Бабеш, како и заедничка средба со премиерите на Грција и на Хрватска, Алексис Ципрас и Андреј Пленковиќ.

Би можело да ве интересира

Заев: Следува инвестициски циклус од околу пет милијарди евра

А1он

„Пју“: Во светот расте државниот притисок врз религиите

27 организации со осуда за изјавата на Заев

Татјана Ташкова

Владата нема одговори што ќе работи оперативниот тим за борба со корупцијата

Национална мрежа за борба против хомофобијата до Зaeв: Педер не е ничија карактерна особина

А1он

Совет за етика: Изјавата на Заев е недолична и несоодветна за носител на јавна функција

А1он