Српската премиерка Ана Брнабиќ денеска оствари средба со македонската амбасадорка во Белград Вера Јовановска – Типко, на која е разговарано за натамошното јакнење на добрососедските односи и на регионалната соработка.
Во соопштението од кабинетот на премиерката по средбата се наведува дека таа му пратила покана за посета на Белград на премиерот Зоран Заев, оценувајќи притоа дека средбата ќе биде позитивен исчекор во односите меѓу двете земји.
На средбата Брнабиќ нагласила дека двете држави имаат многу простор за развој на меѓусебните односи, особено во економијата и туризмот, нагласувајќи дека имплементацијата на Акциониот план за регионален економски простор на Западен Балкан е значајно прашање кое ќе ја олесни и подобри соработката.
На средбата српската премиерка и македонската амбасадорка се согласиле дека без политичка стабилност нема ни економски просперитет и дека искрениот и отворен дијалог е единствениот начин за надминување на сите отворени прашање, стои во соопштението од српската влада.
Во петок навечер во Белград македонската амбасада ќе организира свечен прием по повод Денот на независта 8-Септември, на кој се очекуваат највисоките преставници на српскиот државен врв.