Прекинато е гласањето во период од 20 минути на гласачкото место 1490 во Долнени – информираат од граѓанската асоцијација МОСТ.
Прекинот настанал откако болно и изнемоштено лице дошло да гласа со придружба, по што реагирал партиски набљудувач и не дозволувал лицето да гласа на тој начин. Иако, избирачкиот одбор рекол дека сè е во ред набљудувачот продолжил да се расправа со нив по што била повикана полиција. По прекинот од 20 минути гласањето продолжило.
Исто така, во општина Центар забележан е расфрлан пропаганден материјал со дезинформации за денот на одржувањето на изборите.
Во текот на денот, за граѓаните кои сакаат да пријават евентуални нерегуларности или да дадат информации поврзани со изборниот процес, ќе биде отворена бесплатната телефонска линија 080 080 080.