Прекината седницата за одземање на имунитетот на пратеникот Димовски

Од:

Претседателот на Собранието, Талат Џафери ја започна и по обраќањето на претседателот на Комисијата за мандатно-имунитетни и деловнички прашања, Павле Богоевски, ја прекина седницата на која пратениците требаше да дискутираат и да гласаат за одземање на имунитетот на пратеникот на Социјалистичката партија и ексминистер за земјоделство, Љупчо Димовски.

Продолжението на седницата ќе биде дополнително закажано, но останува нејасно кога, бидејќи според собранискиот Деловник, Собранието најдоцна во рок од три дена од добивањето на притвор на пратеник, одлучува по барањето.

Џафери го исполни условот и ја започна седницата, но не посочи кога ќе финишира.

Димовски, заедно со уште двајца поранешни министри за земјоделство, шумарство и водостопанство, Михаил Цветков и Ацо Спасеновски, како и поранешниот заменик-министер Кристијан Делев се под истрага за злоупотреба на службена положба и овластување при доделување на земјоделска помош и давање под закуп државно земјоделско земјиште со што предизвикале штета од над 1,4 милиони евра на Буџетот.

 

 

Би можело да ве интересира

Собранието ќе избира заменици министри

Марина Димовска избрана за нова генерална секретарка на Собранието

Предлог законот за дополнување на Законот за енергетика, по скратена постапка, проследен на натамошна постапка во Собранието

Верификувани мандататите на новите пратеници

Собранието ќе ги пополни местата на пратениците кои станаа министри

Критики за програмата и кадровските решенија од опозицијата, прва половина од собраниската седница за избор на новата влада