Тимот на Дирекцијата за заштита и спасување попладнево ја прекина потрагата по удавеното момче во хидроакомулацијата „Мавровица“ во Свети Николе, поради потешкотии кои се појавиле во текот нуркањето предизвикани од матната вода и присуството на треви во хидроакумулацијата.
Портпаролот на СВР-Штип, Снежана Санева изјави дека по неколку часовна потрага на нуркачките екипи, одлучено е таа да биде прекината. Санева рече дека во наредниот период ќе се чека телото на исчезнатото момче да се ифрли на површината на езерото по природен пат, а исто така екипи ќе вршат постојано контрола на езерото.
Дирекцијата денеска го ангажираше тимот за спасување под вода од Струга да ја пребара хидроакомулацијата „Мавровица“, каде завчера се удави 27-годишниот светиниколчанец. Тој бил на риболов на езерото, а се удавил превртувајќи се од душекот.