Градот Скопје соопшти дека во четврток, доколку дозволат условите, ќе се изведуваат градежни работи на булеварот „Митрополит Теодосиј Гологанов”, на потегот од крстосницата со улица „Франклин Рузвелт” до фабриката Алумина.
При изведување на градежните активноститем на наведената делница ќе има целосен прекин на сообраќајот од 09:00 до 20:00 часот, а истиот ќе биде пренасочен и тоа кон Ѓорче Петров по улица „Франклин Рузвелт”, булевар „Партизански одреди” и улица „Московска”, а во обратна насока кон Центар ќе биде пренасочен по улица „Московска”, по булевар „Партизански одреди” и улица „Франклин Рузвелт”.
Исто така, автобусите на јавниот градски превоз со број „5″ ќе ја користат претходно посочената траса.
Од Градот Скопје апелираат сите учесници во сообраќајот да се придржуваат кон времено поставениот режим.