Шеесет и деветгодишна жена од Скопје вчера била прегазена во Аеродром.
Според информациите на МВР, несреќата се случила вчера околу 14.30 часот на булеварот „Јане Сандански“ во Скопје кога возило „Тојота ленд крузер “ со скопски регистарски ознаки, управувано од И.В.(39) од Скопје, удрило во пешакот Ц.И.(69) од Скопје.
Со возило на Итна медицинска помош Ц.И. била пренесена во Градската општа болница „Свети Наум Охридски“, каде ѝ биле констатирани тешки телесни повреди, а во 18.30 часот починала.
Увид на местото на настанот извршила екипа од СВР Скопје, а телото на починатата било дадено на обдукција.