Девојка е повредена на пешачкиот премин на раскрсницата од булеварот Партизански одреди со улицата Рузвелтова, кај салонот на „Симпо“ во Скопје.
Според првичните неофицијални информации, автомобилот удрил директно во девојката. Од силината на ударот, таа паднала на асфалтот. Сведоците велат дека девојката со телото удрила во шофершајбната на „спаркот“, која целосно е уништена.
Од полицијата велат дека по телефонскиот аларм од граѓани, веднаш се испратени полициски екипи, а на местото на несреќата веќе пристигнале лекари од Итната помош.