70-годишниот Беадин А. утрово околу шест часот го загубил животот на регионалниот пат Топлица-Врапчиште. Постои смонеж дека е жртва на сообраќајна несреќа што ја предизвикал малолетник, информираат од СВР Тетово. Телото го виделе минувачи и случајот го пријавиле во полиција.
Извршен е увид од јавен обвинител и крим техника, а во гостиварската населба Дутлок, пронајдено е и возило за кое постои сомнение дека учествувало во сообраќајката. Во гостиварската полициска станица бил повикан 14 годишен малолетник и во присуство на неговите родители е распрашан.
Истражните органи работат на расветлување на околностите за несреќата. Годинава, на гостиварското подрачје, ова втора жртва во сообраќајна несреќа.