Традиционален предновогодишен прием за децата без родители и за нивните згрижувачки семејства, денеска организираше општина Куманово,на кој 30-тина деца згрижени во семејства добија новогодишни пакетчиња.
– Ова е наш скромен придонес за децата и нивните згрижувачки семејства, вели Лидија Ланг Спасовска од општина Куманово.
Од општината апелираа во наредната година да се јават повеќе семејства кои се заинтересирани за згрижување на децата без родители.
Во последните неколку години во Македонија интензивно се работи на развивање на формата за сместување во згрижувачко семејство како вонинституционална форма на заштита. Инаку,згрижувачот добива надоместок за трошоците за сместување и надоместок за згрижување на сместеното лице, кој се движи од шест до осум илајди денари во зависност од возраста на детето и во зависност од потребите. За згрижувачкото семејство останува обврската да обезбеди сместување и згрижување во своето семејство, исхрана, нега, општа и лична хигиена, грижа за здравјето, образовение. Неодамна, Министертвото за труд и социјална политика го презентираше и акцискиот план за згрижувачките семејства со кој се подига квалитетот во згрижувачките семејства.