Кандидатот на Националната Демократска Преродба за градоначалник на општина Гостивар Руфи Османи, во рамки на предизборната кампања оствари две средби со жителите од селата Горна и Долна Бањица.
Османи, на жителите им вети конечно решавање на проблемот со депонирање на комуналниот смет во нивниот атар.
За развој на градинарското производство, по кое познат овој крај, ќе се отпочне со проекти што ќе овозможат редовен откуп и пласман на зеленчукот, за што како што рече има поддршка од Владата на Република Турција.
На присутните гражани им се обратија и носителот на листата на НДП, Африм Илјази и кандидатите за советници од овие две села.