Пратеникот Александар Николоски, кој е шеф на македонската делегација во Парламентарното Соберание на Совет на Европа, е избран за член на ад-хок комисијата на ПС на Советот на Европа за набљудување на претседателските избори во Азербеџан.
Изборите ќе се одржат на 9 октомври оваа година, а ад- хок комисијата ќе биде во мисија од 6 до 11 октомври. Претеникот Николоски е избран како претставник на најголемата парламентарна група во ПС на Советот на Европа-групата на Европската Народна Партија.
Од ВМРО-ДПМНЕ информираат дека пратеникот Николоски беше дел од ад-хок комисијата за набљудување на парламентарните избори во Бугарија во мај оваа година, што е првпат во нашата парламентарна историја во иста година еден пратеник да е избран во две мисии за мониторинг на избори определени од ПС на Советот на Европа, што за држава како Македонија претставува своевиден парламентарен и дипломатски успех.
Целта на ад-хок комисијата за мониторинг на претседателските избори во Азербеџан е да обезбеди фер, компетитивни, демократски и слободни избори на кои граѓаните ќе можат слободно да ја искажат својата волја. Ах-хок комисијата врз основа на теренските активности кои ги има пред изборите на денот на гласање и во пост изборниот период, изготвува извештај кој се усвојува од страна на ПС на Советот на Европа и преставува основа за ценење на демократскиот капацитет на секоја земја која е под мониторинг.
– Учеството во ваква мониторинг мисија покрај меѓународно претставување на земјата, особено е значајно и за користење на искуства за подобрување и унапредување и на нашето законодавство и практики за спроведување на избори, каде досега Македонија има низа позитивни оцени, стои во соопштението од ВМРО-ДПМНЕ.