Собранието на Република Македонија денеска ќе дебатира за Извештајот на Европската комисија за напредокот на Република Македонија за 2014 година.
Македонија и оваа година доби препорака за отпочнување на преговорите за влез во Европската унија, но Извештајот содржи и низа забелешки за што македонската Влада изготвува Акциски план.
Извештајот за напредокот беше разгледуван од пратениците во сите собраниски комисии, како и од Националниот комитет за евроинтеграции.
Европската комисија ги објави извештаите за напредокот за земјите кандидати на 8 октомври.
