Пратеничката група на ВМРО-ДПМНЕ и министерот Тошковски поднесоа законски измени за пасошите и возачките дозволи

Од:

Министерот за внатрешни работи во техничката Влада, Панче Тошковски на денешната прес-конференција прее Собранието соопшти дека утрово до Владата поднел законски измени на Предлог на законот за изменување на Законот за безбедност на сообраќајот на патиштата и Предлог на законот за изменување на Законот за патни исправи на државјаните, по скратена постапка. Пратеничката група на ВМРО-ДПМНЕ овие законски измени утрово ги поднесе до архивата на Собранието и барање за свикување на итна седница за оваа прашање со потписи од 20 пратеници.

Тошковски објасни дека во законските измени треба пермутација на четири бројки во двата закони.

Според координаторот на пратеничката група на ВМРО-ДПМНЕ, Никола Мицевски, на самите законски решенија се работи за измена на одредбите од двата закона коишто предвидуваат завршување на роковите по однос на ова законско решение за патните исправи и за возачките дозволи. Со оваа измена, рече тој, ќе се продолжи одредбата за да можат да важат и во наредниот период.

Тошковски нагласи дека нема доволен број на обрасци за пасоши и возачки дозволи за да се задоволат потребите на граѓаните.

-Сакам македонските граѓани да знаат една работа која што се лажени упорно во континуитет. Лажени се од сите. Прво, само матична држава која што издала документ може да го поништи тој документ. Прво, многу е просто. Второ, одговорно тврдам дека со овие Предлог-измени не кршиме принцип на пакта сунцер ванда прво поврзано со меѓународно право и билатерални договори. Втора бона фиде – добро однесување го гарантираме во одреден временски период. Трето, ова се рокови во коишто е возможно согласно објективни, технички, нормални, возможни итн. капацитети да ги издадеме во соодветен број и едните и другите документи. Ова е реалноста. Значи, сакам да знаат македонските граѓани дека нема ниту пасоши како обрасци физички, ниту има возачки дозволи во доволен број за да се задоволат потребите на граѓаните и тоа е факт. Тоа е факт. Ова е единствено нормално возможно и системско решение кое што може да ги реши проблемите од една страна, а од друга страна да не предизвика кршење на човекови права флагрантно и од трета страна да не повредува ниту одредби од меѓународен билатерален договор. Ова е единственото соломонско решение. Се’ друго е козметика, шминка и популизам, рече Тошковски.

Би можело да ве интересира

Тошковски: Стариот пасош важи во Германија и Швајцарија, а не важи кај нас, срамота е

Орце Костов

Тошковски: Известен е обвинител, брзо да се расчисти случајот со полицаец кој нападна колега

Катерина Ѓуровски

Тошковски: Ако на граница ве спречат да излезете со стар документ, да побарате писмено образложение

Катерина Ѓуровски

Тошковски најави награди за вработените во МВР кои ќе помогнат во кризата со личните документи

Ништо од најавите на ДПМНЕ, Тошковски призна дека не може да го реши проблемот со пасошите велат од СДСМ

Катерина Ѓуровски

ВИДЕО: Ќе се среди ли хаосот со пасошите – Новиот министер има предлози, и ги кажал и на грчката амбасадорка

Анита Петровска Рајковиќ