Пожарот во Гевгелија ја зафати граничната караула на АРМ, изгоре полициско возило

Од:

Пожарот во Гевгелија зафати огромна површина борова шума, а поради ветрот истиот се прошири до грчката територија, зафаќајки ја и граничната караулата на АРМ, каде опожарено е едно полициско возило, информираат од општината.

Во соопштението се вели дека сепак, по четиричасовната борба со пламените јазици кои го зафатиле шумскиот појас крај македонско-грчката граница, пожарот е ставен под контрола.

„Поради отежнатите временски услови, односно тивкиот ветар, пожарот е се уште активен, но е локализиран. Во локализирањето на пожарот покрај, ТППЕ- Гевгелија, учествуваше и ЈПДК „Комуналец“- Гевгелија со механизација, како и граничната полиција и вработени од хотел „Фламинго“. Додека, на грчката страна во локализирањето беа вклучени и пожарникарите од Поликастро“, се вели во соопштението.

Градоначалникот на Гевгелија, Сашо Поцков, во изјава за медиумите се заблагодари за херојството и интервенцијата на гевгелиските пожарникари, вработените од ЈПКД „Комуналец“, а и кон вработените од хотел „Фламинго“ и граничната полиција кои активно се вклучија во борбата со пожарот, придонесувајќи да се избегне катастрофа од поголем размер.

Граничниот премин „Богородица“ е затворен за сообраќај и возилата се пренасочуваат на граничниот премин „Дојран“, информираа од АМСМ.

Би можело да ве интересира

Во Кочани изгореа една куќа и 15 хектари зимзелена и нискостеблеста шума

Голем пожар во атарот на селото Ваксинце, во близина на складот за гориво Мак-Петрол

Горан Наумовски

Сериозен пожар кој зафаќа голема површина во Валандовско, се шири во два крака

А1он

Пожарот кај валандовско Грчиште е активен, повредени се двајца вработени во „Македонски шуми“

Пожарот кај хотелот „Њу стар“ во Визбегово е локализиран, гореше дива депонија

Пожар кај селото Јосифово, огнот брзо се шири кон населеното место

Горан Наумовски