Пожарот на Шар Планина се изгаснал, уште гори на Жеден

Од:

Во последното деноноќие се регистрирани 17 пожари на отворено. Горела нискостеблеста шума и друга вегетација, а пожарникарите гаснеле и отпадоци, ѓубришта и запалени контејнери, соопшти ЦУК.

Од 17-те пожари на отворено, се уште се активен е оној на планината Жеден. Во ЦУК е добиена информација од Бригадата за противпожарна заштита (БППЗ) Скопје и Полициска станица Сарај дека пожарот околу врвот на планината Жеден, каде што гори претежно трева и евентуално грмушки се уште е активен, но со намелен интензитет и дека заради тоа што во текот на денот постои можност од негово разгорување, тој ќе се надгледува.

Вчера, заради ноќни улови и непристапен терен скопската БППЗ не можеше да интервенира.

Пожарот кај село Вешала во Општина Тетово се самоизгаснал во текот на ноќните часови, соопшти Центарот за управување со кризи.

Екипа од Национален парк „Шар Планина“ е на терен и врши обиколка на опожарената површина и контрола за да спречи евентуално повторно самозапалување на огнот. Зафатена била поголема површина обрасната со сува трева, папрат, смрека и ситни грмушки.

Во текот на вчерашниот ден, согласно теренот и условите, екипи на ТППЕ Тетово и ренџери од Национален парк „Шар Планина“ учествуваа во негово гаснење.

Од ЦУК повторно аплираат да не се пали вегетација на отворено, а појавата на пожар да се пријавува на Единствениот повикувачки број 112, како и другите итни случаи особено кога граѓаните имаат животозагрозувачки ситуации.

Би можело да ве интересира

Активни пожарите на планините Кожуф и Добра Вода

СДСМ: Среде пожари 400 пожарникари оставени без плата

Се уште активни пожарите кај село Винче и на Кожуф

Мицкоски: Опозицијата лаже за пожарите, се занимава со некрофилија и не прави ништо за да помогне

Катерина Ѓуровски

Пожарот во Трубарево е под контрола, гори на четири локации низ земјава

Мицкоски: Идентификувани се дваесетина лица поврзани пожарите

Катерина Ѓуровски