Пожар избувна денеска на пладне во подрумскиот дел на угостителски објект во центарот на Кичево, лоциран на улицата „Амит Челопечанец“.
Како што информираат од Територијалната противпожарна единица – Кичево, нивна екипа со брза интервенција го локализирала пожарот и спречила да се прошири на соседните објекти. Во пожарот никој не е повреден и само е причинета материјална штета.
Според очевидци, огнот избувнал од оџакот на објектот и ги зафатил теписите и други предмети во близина по што се проширил на целиот подрумски дел.