Пожар избувна денеска попладне во стан на бул.„Октомвриска револуција“ во Куманово, нема повредени, а е причинета материјална штета.
Според информациите на територијалната противпожарна единица Куманово, пожарот избувнал по 15:40 часот во стан на третиот кат од зградата. Пожарот е ставен под контрола за 15 минути, а ТППЕ интервенирала со едно возило и шест пожарникари.
Увид на местото на несреќата вршат екипи на СВР Куманово.Причините за настанувањето на пожарот допрва ќе се утврдуваат.