Пожар избувна денеска во подрум од куќа во центарот на Кавадарци, повредени лица нема. Командирот на Територијалната противпожарна единица Илчо Богевски информира дека интервенирале со две возила и седум пожарникари, а на помош им дошле и по едно возило со по двајца пожарникари од неготинската противпожарна единица и компаниите „Кожувчанка” и „Фени”.
– Среќа во несреќа е тоа што не дозволивме пожарот да се прошири на останатите делови од куќата и други објекти, нагласи Богевски.
Дополнително ќе се утврдува висината на настанатата штета.