Нема повредени во пожарот кој што избувна во ОУ „Јан Амос Коменски“, во скопската општина Карпош.
Опожарена е една подрумска просторија или место каде биле сместени хаус мајсторите кои го одржуваат училиштето.
Сите ученици се евакуирани и пратени дома поради паниката која го предизвикала чадот.
Пожарот го изгаснале вработените од училиштето, а се претпоставува дека причината е електрична инсталација.
Во училиштето увид врши полицијата која треба да даде одговор која е официјалната причина за пожарот.
Директорката на училиштето објасни дека пожарот бил локализиран уште пред да дојде противпожарната екипа. Од безбедносни причини учениците биле пратени дома.
„Во една мала просторија изби пожар и истиот се изгасна од вработените. Имаше повеќе чад поради тоа што во просторијата имаше пластични фиоки. Ги евакуиравме учениците, нема повредени а поажрна повикавме за секој случај“, рече директорката на ОУ „Јан Амос Коменски“.
