Пожар во куќа во центарот на Куманово

Од:

Три противпожарни возила и деветмина пожарникари ноќеска гаселе подрумски простории на семејна куќа во центарот на Куманово, соопштија денеска од регионалниот центар за управување со кризи. Пожарот избувнал околу 23 часот, а бил изгаснат во 05:45 часот, утрово.

– Опожарен е подрумскиот дел на објектот на улицата „Перо Чичо“. Направена е материјална штета, причината за пожарот ќе се утврдува, информираа од РЦУК.

И денеска една противпожарна екипа интервенира во исцрпување на вода. Од пожарот, како што информираа од ТППЕ Куманово биле зафатени и пластични цевки за водовод, што предизвикало дополнително истекување на вода.

Од почетокот на годинава досега имаше неколку пожари на објекти, семејни куќи. Според податоците на противпожарната единица од почетокот на годинава, досега има околу 50-тина пожари вкупно, најголем процент на отворен простор.

Би можело да ве интересира

(ВИДЕО) Украина и Русија со различни „приказни“ за пожарот во една од најголемите руски рафинерии, во Јарослав

Каранфилова-Пановска: Време е за промена, Куманово заслужува повеќе со Мартин Костовски

Во Куманово СДСМ на конвенција презентиран кандидатот за градоначалник, Мартин Костовски и советничката листа

Меморандум за соработка помеѓу Општина Куманово и Хуманитарно здружение “Мајка”

Алиу: За два дена над двесте прегледани лица во рамки на скринингот во Трубарево

Ангелов: Пожарот во депонијата кај Арачиново е подметнат