Пожар во кочанското село Костин Дол

Од:

Кочанската територијална противпожарна единица денеска излезе со информација за големиот шумски пожар кој вчера попладе го зафати атарот на село Костин Дол, Кочанско.

– По дојава за пожар во 15.22 часот во планинскиот терен на Осоговијата кај селото Костин Дол, наша екипа со две возила и пет пожарникари учествуваше во неговото гаснење. Во пожарот беа зафатени над 60 хектари дабова шума и смрека како и 40-ина родни дрвца од овоштарник. Бидејќи се работи за планински терен во Осоговијата, пожарот го локализиравме доцна во ноќта, некаде по 22 часот и 30 минути. Според првичните проценки, направена е голема материјална штета која допрва ќе се проценува, изјави Даме Јакимов, дежурен пожарникар во Кочанската противпожарна единица.

Јакимов истакна дека во гаснењето на пожарот учествувале и десетина жители од село Костин Дол. За причините за настанување на пожарот се очекува официјално соопштение од недлежните органи.

Би можело да ве интересира

Алиу: За два дена над двесте прегледани лица во рамки на скринингот во Трубарево

Ангелов: Пожарот во депонијата кај Арачиново е подметнат

ЦУК: Од вкупно 22 пожари денес, само пет се активни

Ангелов: Полесно е повреден возачот од запалената цистерна на патот Гевгелија-Богданци

(ВИДЕО) Густиот чад од запалената цистерна на патот Гевгелија-Богданци предизвика паника кај локалното население

Се преврте цистерна на патот Гевгелија-Богданци, нафтата уште истекува, пожарот е изгаснат

Катерина Ѓуровски