Пожар избувна попладнево во местото викано Бабин Дол кај месноста „Белград“ во Кавадаречко.
Според командирот на Територијалната противпожарна единица од Кавадарци Илчо Богевски, изгорени се дваесет декари борова шума.
– На местото на настанот интервениравме со противпожарно возило и четворица пожарникари. На помош ни дојдоа двајца пожарникари со едно противпожарно возило од подружницата на „Македонски шуми” – „Бор” од Кавадарци, рече тој.
Пожарот е изгаснат и, додаде Богевски, за среќа не се дозволи проширување на пламените јазици.