Возила и гуми горат на авто плац во струшкото село Велешта, потврди портпаролот на СВР Охрид Стефан Димоски.
Сообраќајот на регионалниот пат Струга – Дебар, според него, се регулира со најизменично пропуштање возила.
– Околу 14 часот во Полициската станица Струга пријавен е пожар во приватен авто плац лоциран на регионалниот пат Струга – Дебар кај струшкото село Велешта каде биле опожарени гуми и возила оставени на авто плацот, изјави Димоски.
На терен интервенираат екипи на територијалните противпожарни единици од Струга и Охрид.
