Пожар над Прилеп, гори сува трева и мешовита шума

Од:

Пожар избувна попладневно над Прилеп. Како што информираат од прилепската противпожарна единица, пожарот почнал околу пладне со запалена сува трева кај месноста „Топташ“ и попладнево се проширил и ја зафатил мешовитатата шума во близината. Пожарот се движи во близина над манастирот „Свети Димитрија“ кај селото Селце.

На теренот се 10-ина пожарникари со возило од противпожарната единица и 10-ина вработени од подружницата „Црн Бор“ на ЈП „Македонски шуми.

Според Влатко Велески, раководител на „Црн бор“, пожарот, најверојатно е предизвикан со палењето прво на тревата.

– Запалена е прво сувата трева, малку стивна пожарот за ветрот попладнето да го разгори во блиската мешовита шума над градот. Не се движи кон манастирот „Свети Димитрија“ туку над него. Се надеваме дека сите екипи што се на теренот ќе се справат со стихијата, но, во секој случај, во ноќните часови екипите мора да се повлечат, вели Велески.

Би можело да ве интересира

Активни се четири пожари на три локации во земјава

Томевски: Десет противпожарни возила го гасат пожарот во депонијата „Дрисла“ кој избувна попладнево

Ангелов: Постојат сомненија дека пожарот во „Дрисла“ е предизвикан намерно

Голем пожар на скопската депонија „Дрисла“

Горан Наумовски

Опожарени се помошни простории на викендица во вчерашниот пожар кај Раштак

Обвинителството денес започна истрага за опожарената фабрика во Виница