Сите вработени и пациенти од Клиниката за радиологија се евакуирани откако пред еден час избувнал пожар во една од просториите на клиниката.
Шест противпожарни возила интервенираат за да го изгаснат пожарот.
Според првичните информации, нема повредени лица, а штетата што е настаната е мала.
Од Противпожарната служба во Скопје за „А1он“ велат дека се уште немаат причини за тоа како настанал пожарот, кој избувнал во една од просториите каде што се чувале хемикалии.
Според нив, пожарот е ставен под контрола и штетата е незначителна.