Повредени 33 мигранти, се превртело комбето во кое се превезувале

Од:

Триесет и три мигранти се повредени во сообраќајна несреќа што попладнево се случи на патот Демир Капија-Прилеп.

Сообраќајката се случила на местото викано Прждески споменик, на потегот меѓу Демир Капија и Прилеп, соопшти Јавното обвинителство.

Според првичните информации, возачот, 24-годишен велешанец, ги превезувал мигрантите во комбе марка „мерцедес“ со скопски регистарски ознаки во сопственост на лице од Арачиново.

Движејќи се на автопат од Гевгелија во правец кон Скопје, возачот забележал дека е следен од полициски службеници. Во обид да побегне, тој се префрлил на совозачкото седиште, ја отворил вратата и скокнал на автопатот додека возилото се движело. По инерција комбето продолжило да се движи следните 40 метри, а потоа се превртило и паднало во провалија со длабочина од 14 метри. Во несреќата со повреди се здобиле сите 33 патници мигранти, меѓу кои неколкумина се малолетници. Повредените, од кои дел со особено тешки повреди, се пренесени со медицински екипи во најблиските здравствени установи во Неготино и Кавадарци.

Возачот, како што наведуваат во соопштението, кој откако скокнал од возилото паднал во провалија се здобил со тешки телесни повреди и поради нивната сериозност е пренесен на скопските клиники.

Јавен обвинител од Основното јавно обвинителство Кавадарци во континуитет ги презема потребните дејствија за целосно расчистување на настанот.​

Јавен обвинител и екипа на МВР вршат увид на местото на несреќата.

Хирурогот Дано Кулев од кавадаречката болница за МИА потврди дека во болницата се донесени девет лица.

-Осум мигранти се во кавадаречката болница со скршеници набиеници и други повреди од кои двајца се потешко повредени, потврдува хирург од хируршко одделение доктор Дано Кулев.

Би можело да ве интересира

Со закон се уредува управувањето на електрични тротинети, се укинуваат негативните поени за возачите

Ана Ололовска

Приведена криминална група за транспорт на дрога, запленет еден килограм и 58 грама кокаин

Ана Ололовска

(ВИДЕО) Спасовски: Градиме Центар за обновување од катастрофи, единствен во регионот, за безбедноста на граѓаните

Татјана Ташкова

Спасовски жали што обвинителството немало храброст да одреди притвори за инцидентот во „Александар палас“

Ана Ололовска

Спасовски: Потврдувам дека се работи на расчистиување на работите во три фирми

Ана Ололовска

Полициска акција во фирмa на Камчев за претседателската кампања на ВМРО-ДПМНЕ

А1он