46-годишна скопјанка е повредена синоќа за време на концерт во Културно-информативниот центар (КИЦ) во Скопје, откако врз неа паднала решетка од вентилацискиот систем, соопшти Министерството за внатрешни работи во дневниот билтен.
Според информациите, инцидентот се случил на 20 ноември околу 22 часот. Жената, идентификувана како М.И. од Скопје, била пренесена во Ургентниот центар во Комплексот клиники „Мајка Тереза“, од каде случајот бил пријавен во полицијата во 23:15 часот.
Од МВР информираат дека се преземаат мерки за целосно расчистување на настанот.