Две женски лица се повредени во сообраќајна несреќа која се случила вчера околу 21 часот во Скопје. Едното повредено лице е малолетно девојче.
Несреќата се случила на крстосница од ул.„Козле“ и ул.„Брадфордска“ . Автомобил „фиат пунто“ со скопски регистарски ознаки, управувано од 36 годишник од Скопје се судрил со „шкода суперб“ со скопски регистарски ознаки, управувано од 32 годишен жител на с.Грчец, општина Сарај.
Во несреќата со тешки телесни повреди се здобила сопатничката од возилото „фиат пунто“, М.Т.(36), а со телесни повреди се здобила и малолетна сопатничка од истото возило, двете од Скопје.
Повредените биле пренесени во Градската општа болница „Св.Наум Охридски“.
Извршен бил увид од увидна екипа од СВР Скопје.