Уште еден случај на повреден градежен работник во Гостивар. Втор за неколку дена.
Како што информираат од полицијата, несреќата се случила претпладнево околу 11 часот на објект лоциран на улицата Илинденска.
35 годишниот работник од селото Чегране изгубил рамнотежа и паднал долу од вториот кат. Од падот се здобил со сериозни повреди и инто бил пренесен на лекување на клиниките во Скопје. На местото на настанот е извршен увид и се работи на утврдување на причините и околностите под кои се случила несреќата.
Пред три дена работејќи на градежен објект во селото Здуње од 4 метри висина падна и се повреди работник од Врбен.