Кумановец пријавил во полиција дека вчера попладне во него со автомобил удрил возач на кој претходно му изреагирал затоа што движејќи се со голема брзина за малку ќе прегазел дете.
Како што информира Министерството за внатрешни работи, И.П. (31) од населбата Јане Сандански во СВР Куманово пријавил дека вчера околу 17:50 часот непознат сторител со патничко моторно возило „Фолксваген Поло“ со кумановски регистарски ознаки со многу голема брзина ќе прегазел дете, при што изреагирал и му викнал.
Во тој момент возачот со возилото наназад тргнал кон И.П., при што го удрил во пределот на стомакот, го турнал на земја и го притиснал со возилото до бетонска ограда. После тоа излегол од возилото, ги собрал скршените делови од возилото и си заминал од местото.
Еден час подоцна во СВР Куманово сам се пријавил возачот, Е.П. (27) од населбата Јане Сандански.
Се преземаат мерки за целосно расчистување на случајот.