Повеќе скопски населби и села утре без струја

Дел од корисниците од улиците „Париска“ и „Варшавска“ во општина Карпош, утре од 6.30 до 15.30 часот ќе останат без струја.

Следете a1on на Instagram

Во периодот од 8.30 до 10 часот без струја ќе бидат дел од корисниците од улицата „Гемиџиска“ во општина Гази Баба, а од 9 до 11 часот корисниците од улицата „Македонска војска“ бр. 38 во општина Ѓорче Петров.

Од 9 до 12 часот без струја ќе бидат корисниците од улицата „Киро Крстевски“ бр.34 а и 34 б во општина Кисела Вода, а од 9 до 13 часот дел од корисниците од селото Матка и резерватот „Јасен“.

Корисниците од село Кучково, општина Ѓорче Петров ќе бидат без струја од 9 до 15 часот, а од 10 до 12 часот дел од корисниците од Средно Водно, врвот на Водно – Милениумски крст, жичарницата, Македонското село, дел од корисниците од село Крушопек, сите улици во Горно Нерези и општина Карпош.

Следете a1on на Youtube

Во периодот од 17 до 19 часот утре без струја ќе бидат корисниците од улицата „Студеничанска“ во општина Кисела Вода.

Како што информира РЦУК – Скопје, прекините се поради инвестиции во електросистемот.