Повеќе од 33 илјади амандмани кои што ги поднесе опозициската ВМРО-ДПМНЕ, според неофицијални информации, се однесуваат за казните. Партијата поднесе вкупно 35.569 амандмани за Законот за употреба на јазиците, кои што се доставени до Собранието.
Членот 22 од законот за двојазичност кој пропишува глоба во износ од 4.000 до 5.000 евра во денарска противвредност за прекршок ќе се изрече на органите кои нема да ги почитуваат одредбите од овој закон. Додека глоба во висина од 30% од одмерената глоба ќе му се изрече и на службеното лице. Според опозициската партија, овој член не е во согласност со член 8 став 1 алинеја 3 од Уставот на Република Македонија.
Амандманската расправа за Законот за употреба на јазиците „виси“ се додека не се обезбедат технички услови за тоа. Неофицијално проблем е преводот на амандманите, досега биле преведени помалку од 10.000, поради што ќе биде потребно време за да се преведат и останатите амандмани кои што ги поднесе опозициската ВМРО-ДПМНЕ.