Организацијата Бадникарски поворки, денес пред Сити мол го одбележа Бадник. Преку 300 дечиња ја испеаја песната „Вечниот бог” која го најави Христовото раѓање.
„Ова е традиционална поворка, оваа година учествуваа децата од Карпош, Ѓорче Петров и Златно Славејче. Дечињата со овој чин го најавија големиот празник Божиќ. Ова е нешто што има традиција”, вели организаторот.
Бадникарската поворка од пред црквата св. Константин и Елена ќе се упати кон Соборниот храм, каде ќе биде централната манифестација за празникот Божиќ.