Поради поголем број зафати што ќе ги врши ЕВН Македонија, голем број делови од градот и некои села, денеска, во одредени период ќе бидат без струја. Ќе нема струја и во објектот на Водовод до градските гробишта Бутел.
Во периодот од 7 до 17 часот, без струја ќе бидат дел од корисниците од Горно Нерези, како и дел од ул. Козле 1.
Во периодот од 8 до 9.30 часот, без напојување со струја ќе бидат и објектите на Водовод и Градски Гробишта Бутел.
Од 8.30 до 11 часот струја ќе немаат дел од корисниците од ул. Ѓорче Петров, околу Јурија.
Во периодот од 8.30 до 16.30 без струја ќе бидат и улиците Ленинова, Апостол Гусларот, Никола Тримпаре, Киро Крстевски – Платник, Дебарца, Коста Шахов и Борка Талевски.
Од 9 до 15 часот струја ќе немаат корисниците од населба Стопански Двор, како и дел од корисниците од улиците бр.51 и 52 во населба Волково.
Во периодот од 9.30 до 11.30 часот, без електрична енергија ќе бидат дел од корисниците од селото Визбегово.
Половина час подолго, или од 9.30 до 12 часот, струја ќе немаат дел од корисниците од ул. Козле лоцирани кај пумпата на Водовод и Канализација – Козле.
Во периодот од 9.30 до 15.30 часот, без струја ќе бидат корисниците од ул. Стогово, како и дел од корисниците од улиците Јуриј Гагарин и Миле Поп Јорданов.
Од 10 до 11 часот без електрична енергија ќе биде зградата со адресен број 70б на булеварот Партизански одреди.
Од 11 до 13 часот, пак, струја ќе нема на дел од улицата Македонско-косовска ударна бригада во Чаир.