Поведена постапка за убиство во Арачиново

Од:

Основното јавно обвинителство Скопје донело наредба за спроведување истражна постапка против едно лице, осомничено дека сторило кривично дело – убиство на 18 август во Арачиново.

-На 18 август, во село Мојанце, Арачиново, со употреба на огнено оружје со калибар од 7,62х25мм, осомничениот го лишил од живот Зилбехар Ајвази. На критичниот ден, осомничениот седел на совозачкото седиште во автомобил Фолксваген голф 3, управуван од засега непознато лице. Преку отворениот прозорец на автомобилот тој испукал два куршума во правец на сега починатиот Ајвази и го погодил во десната страна на градниот кош, нанесувајќи му тешка телесна повреда – устрелна рана. Куршумот повредил повеќе витални органи. Оштетениот бил хоспитализиран во ЈЗУ „Св. Наум Охридски“ – Скопје, каде му била извршена хируршка интервенција, но на 9 септември починал, се наведува во соопштението од Јавното обвинителство.

Пред да почине, како штостои во соопштението, Ајвази на записник го идентификувал осомничениот како напаѓачот кој пукал кон него, а како причина навел претходна нетрпеливост меѓу нивните семејства.

Надлежниот јавен обвинител до судијата на претходна постапка при Основниот кривичен суд Скопје доставил и предлог за определување мерка притвор за осомничениот, поради опасност од бегство и можност за влијание врз сведоци. Притоа, обвинителот особено го ценел фактот што непосредно по настанот осомничениот веднаш станал недостапен на органите на прогонот, по него била распишана потерница, а кога бил затекнат при претрес на неговиот дом, дал лажни податоци за сопствениот идентитет, велат од Јавното обвинителство.

Би можело да ве интересира

Кривична пријава против тројца скопјани за злоупотреба на службената положба

Пукано во полициски службеник во Скопје

Татјана Ташкова

ВИДЕО: Со автомобил ја проби оградата во Бутел, повредени двајца млади

Татјана Ташкова

Повредено девојче во тешка сообраќајка на Качанички пат

Татјана Ташкова

Приведени четворица малолетници од Скопје за насилство

Изгоре стан на Рузвелтова

Татјана Ташкова