Агенцијата за храна и ветеринарство денеска на потрошувачите ќе им ги претстави едукативните летоци за безбедноста на храната, преку кои тие ќе се информираат за општите и посебните означувања.
Летоците информираат за читањето на означувањето на прехранбените производи, за оозначувањето на адитивите, на генетски модифицираната храна, на алергените состојки, како и истакнувањето на нутритивните и здравствените тврдења.
Презентацијата ќе се одржи во Веро центарот од 11 до 13 часот, во присуствуво на директорот на Агенцијата за храна и ветеринарство Дејан Рунтевски. Тим на Агенцијата во истото време ќе ги промовира информативно-едукативните летоци и во супермаркетот Тинекс во ТЦ Зебра во населбата Капиштец.
Настанот е во рамки на проектот „Безбедноста на храната е обврска на сите заинтересирани страни во системот за безбедност на храната“ што Агенцијата за храна и ветеринарство го реализира во соработка со Организацијата на потрошувачите на Македонија и е дел од Програмата на Владата за заштита на потрошувачите.
