Две повозрасни лица се загубиле полладнево додека планинареле на планината Кожуф. Се загубиле на патот кон Круша. Нивните блиски сведочат дека Владо Делев и Кире Арнаудов го загубиле патот пред околу три до четири часа. Последен пат со нив во контакт бил во последнив час и тие немале ориентација каде се наоѓаат – вели синот на еден од загубените. Двајцата загубени во моментов не се заедно.
Семејствата се обидуваат да ги најдат. Полицијата е во потрага по загубените планинари, а се очекува да се вклучат и пожарната служба и шумското претпријатие.
Блиските на Владо и на Кире замолуваат сите институции кои се обучени за вакви случаи како и планинарските друштва кои го познаваат теренот да помогнат во потрагата.