Поставени се нови сообраќајни знаци за вертикална и хоризонтална сигнализација во општина Богданци.
Како што информира општинската служба, нови знаци за регулирање на сообраќајот има на главната улица, која е дел од регионалниот пат Гевгелија-Дојран и на пристапните патишта, кај основното училиште „Петар Мусев“ и детската градинка „Коста Поп-Ристов“.
Патоказните табли, кои досега ги немаше, се поставени пред населените места Стојаково и Селемлија заради нивно означување.
Хоризонталната сигнализација, освен по улиците, целосно е обновена на паркингот во центарот на Богданци. Нов простор за паркинг е одбележан на едната страна од главната улица, на потегот од автобуската станица до крстосницата со Гевгелија и Стојаково.