Општина Карпош постави два нови „лежечки полицајци“, на улицата „Дрезденска“ пред основното училиште „Војдан Чернодрински“, во урбаната заедница „Владо Тасевски“ (Млечен), со цел зголемување на безбедноста на учениците.
Како што соопшти Општина Карпош на овој потег, неодамна е променет и сообраќајниот режим, при што доминантни се еднонасочните улици, чија цел е намалување на метежот и брзината на движење на учесниците во сообраќајот.
Поставени се нови 300 собраќајни знаци, како и хоризонтална сигнализација.
Во соопштението се наведува дека локалната самоуправа во изминатиот период постави „лежечки полицајци“ пред повеќе основни училишта и градинки и дека следува ваков тип сигнализација и пред ООУ „Петар Поп Арсов“, во Карпош 4.