Поради најавен протест организиран од страна на политичката партија ВМРО-ДПМНЕ денеска, утре и в четврток во Скопје, во периодот од 15 до 17 часот, за сообраќај ќе бидат затворени крстосницата помеѓу булеварот „Гоце Делчев“ и булеварот „Крсте Петков Мисирков“ (ТЦ Мавровка), крстосницата помеѓу булеварот „Св. Климент Охридски“ и улицата „Св. Кирил и Методиј“ (зграда на Нова Македонија) и крстосницата помеѓу улицата „11 Октомври“ и улицата „Филип Втори Македонски“ (Градска болница), информира Министерството за внатрешни работи.
Од тие причини, како што посочуваат, Секторот за внатрешни работи Скопје ќе преземе мерки за посебен режим на сообраќајот на горенаведените и околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници.