Од Министерството за внатрешни работи најавуваат дека утре и задутре во Скопје ќе има посебен сообраќаен режим.
„На 28.09.2021 (вторник) и 29.09.2021(среда) во официјална посета на Република Северна Македонија ќе биде делегација предводена од претседателката на Европската комисија Урсула фон дер Лајен. Од тие причини Секторот за внатрешни работи Скопје ќе превземе мерки за посебен режим на сообраќајот по сообраќајниците на поширокото централно подрачје на град Скопје. Секторот за внатрешни работи Скопје апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници“, велат од МВР.