Поранешна полицајка е пронајдена мртва во нејзиниот дом. Безживотното тело го нашле членови на нејзиното семејство, дознава „А1он“. Засега, причините за смртта не се познати. Од МВР велат дека увидот и натаму трае.
„Околу 16 часот е добиена информација за пронајдено безживотно тело во стан во Охрид. Се уште трае увидот на местото на настанот“, вели Стефан Димовски, портпарол на СВР Охрид.
Неофицијално, починатата била припадник на охридската полиција до пред четири години. Нејзини колеги за „А1он“ велат дека до моментот кога била работно ангажирана имаат само пофални зборови за нејзината професионалност.
Телото на поранешната полицајка ќе биде даде на обдукција.
