Поради зачестени пожари, дебарската ТППЕ апелира да се чистат оџаците

Од:

Од почетокот на годинава дебарската Територијалната противпожарна единица интервенирала во гаснење на седум пожари, од нив дури четири предизвикани од неисчистени оџаци.

Според командирот на единицата Џетан Мифтароски, два од пожарите се во Дебар, еден во селото Жировница и еден во Ростуше. Благодарение на брзата интервеција спречени се поголеми последици, посебно при пожарот во Ростуше бидејќи имало опасност да се прошири и на соседните куќи.

– Минатата година имавме 17 интервеции на опожарени оџаци. Поради тоа препорачуваме да се почитуваат препораките за редовно чистење на оџаците не само од страна на домаќинствата туку и правните субјекти кои за затоплување користат разни грејни тела, вели Мифтароски.

Според првиот човек на дебарската ТППЕ, согласно правилникот на Дирекцијата за заштита и спасување, домаќинствата задолжително треба двапати во текот на грејната сезона да ги исчистат оџаците, додека правните субјекти, без оглед каков вид грејно тело користат, тоа треба да го прават еднаш месечно.

Во поширокиот дебарски регион дури 80 отсто од домаќинствата за затоплување на своите домови користат огревно дрво.

Статистката на единицата, која интервенира и во општина Центар Жупа и подрачјето на Река, потврдува дека во текот на минатата година, регистрани се 89 интервенции, од нив 28 при пожар на објекти, 17 од нив опожарени оџаци, 56 пожари на отворен простор и пет интервенции при сообраќајни несреќи. Причинетата материјална штета од пожарите се проценува на околу 110 илјади евра.

Споредно со претходната година, имало 12 интервнции помалку, што се должи и на повисоката свест на населението, оценува Мифтароски, кој нагласува дека брзата интервенцја е резултат на добрата опременост и професионалноста на пожарникарите.

Би можело да ве интересира

38-годишен маж е повреден во пожар во Гостивар

„Кој е следен“: Надлежните да ја отворат документацијата за дискотеката „Пулс“ од 2012 година до денес

Предраг Петровиќ

(ВИДЕО) Најмалку 28 загинати и 37 повредени во пожарите во Јужна Кореја

Пожар во Ниш, едно лице загина, повреден е пожарникар

(ВИДЕО) Најмалку 23 мртви во Јужна Кореја, пустоши еден од најтешките пожари во историјата на земјата

Четворица загинати, 11 повредени во пожари во Јужна Кореја