Поради ширење порнографски материјали, Телеграм ја затвори „Јавна соба“

Од:

„Телеграм“ ја затвори групата „Јавна соба“ во која илјадници членови од земјава споделуваа експлицитни фотографии и видеа од девојки од Македонија, меѓу кои имаше и малолетнички.

dobivaj vesti na viber

Групата не може да се отвори, бидејќи, како што пишува „истата била користена за порнографски содржини“. Не можат да се видат ниту содржините што ги објавувале членовите на групата.

Неизвесно е дали членовите можат да отворат нова ваква група и дали „Телеграм“ ќе реагира на истиот начин доколку се утврди дека таму се споделуваат содржини, односно видеа и фотографии од девојки, кои не дале дозвола за нивна дистрибуција.

МВР денеска приведе четири лица за овој случај.

Двајца од приведените се од Битола и по едно лице e од Велес и од Штип.

„Се работи на откривање кој ја креирал ваквата група и кои се биле членови. Секој еден кој се наоѓа во групата ќе се истражи и ќе понесе кривична одговорност“, објави министерот Оливер Спасовски.

Попладнево беа уапсени првите две лица, едно од Битола и едно од Велес, а кусо по апсењата „Јавна соба“ почна да се полни со една иста порака во која администраторот ги известува членовите дека е отворена нова група и ги повикува да ми пратат приватна порака за да им ја испрати.

Премиерот Зоран Заев ги повика членовите да излезат од групата оти МВР ќе ги добие податоците и сите ќе бидат обвинети и ќе одговараат за она што го прават. Премиерот рече дека побарале од „Телеграм“ да ја избрише групата „Јавна соба“, а доколку од таму не одговараат на барањето, најави дека ќе ја блокира апликацијата – не поради цензура, туку за заштита на граѓаните.

Би можело да ве интересира

Суспендиран британски пратеник обвинет за гледање порнографија во Парламентот

А1он

Делегацијата на ЕУ во Русија отвори налози на Телеграм и на Вконтакте

А1он

Телеграм го надмина Вотс ап според бројот на корисници во Русија

А1он

Администраторот и модераторот на „Јавна соба” ќе си останат во куќен притвор бидејќи можат да избегаат

Кристијан Ландов

По четири години затвор добија обвинетите за порнографијата во „Јавна соба“

Кристијан Ландов

Кочанчанка уценувала жена со објавување на компромитирачки фотографии

А1он