472 лица, вработени во 7-те Основни училишта на територијата на Општина Центар се без плата за октомври месец поради проблемите во основното училиште „11 Октомври“.
Се уште има двојство во раководството, во директорскиот кабинет седи Васко Лазаревски назначен за В.Д. директор, поставен од градоначалникот на Општина Центар, Андреј Жерновски и разрешената директорка, Даниела Костадинова.
Додека трае жалбената постапка, не може да бидат исплатени не само платите во „11 Октомври“ туку и другите училишта бидејќи блок дотациите за плати се на единствен платен список.
Жерновски ја разреши Костадинова поради труењето на стоте деца и констатирани неправилности во работата. Костадинова во ист ден поднела жалба до владината комисија и го добила решението и веднаш во Централниот регистар и го верификувале потписот, на што се жали Лазаревски.
Група родители се револтирани и незадоволни од сега разрешената директорка и јавно ја прашаа зошто не пријавила обид за киднапирање на децата.