Денес во просториите на општина Крива Паланка се потпиша Колективен договор меѓу Синдикатот на УПОЗ и општина Крива Паланка.
Чинот на свеченото потпишување на Колективниот договор за административните службеници и други вработени во општина Крива Паланка,беше спроведен од страна на претседателот на синдикатот на УПОЗ Пецо Грујовски, претседателот на синдикалната организација при општина Крива Паланка, Зоран Павловски и градоначалникот на општина Крива Паланка, Борјанчо Мицевски како работодавач.
Во оваа прилика градоначалникот Мицевски рече дека ова е значаен ден и за Македонија, која денес го потпиша Протоколот за членство на Македонија во НАТО и за општина Крива Паланка, која денес, за прв пат потпишува колективен договор за административните службеници и други вработени во општината.
– Ние сме четврта општина во Р. Македонија, која успеа да потпише ваков договор, кој е резултат на досегашните заеднички активности и залагања помеѓу договорните страни, а се во насока на изнаоѓање на заенички прифатливо решение, регулирање и унапредување на законските права на вработените во општина Крива Паланка.
Колективниот договор е задолажителен и обврзувачки за вработените и работодавачот и тие како договорни страни, треба во целост да ги применуваат одредбите кои се однесуваат на нивните права и обврски.
Поптишувањето на Колективните договори помеѓу социјалните партнери, беше еден од приоритетите и на Владата на Р. Македонија, која имаше реални согледувања и покажа големо рабирање за потребата од унапредување и подобрување на правата на вработените,бидејќи во годините наназад беа донесени бројни закони и законски измени и голем број решенија кои несоодвејствуваат со времето во кое живееме, рече Мицевски.